Udaberriko asteburuko barnetegiak Arantzan

Azkeneko ikasturteetan bezala, Iruñerriko AEK-k aurten ere udaberriko asteburuko barnetegiak antolatu ditu Arantza herrian.

Maiatzaren 9, 10 eta 11n goi mailetan dabiltzanentzat -B1, B2 eta C1 mailakoentzat- eta 23, 24 eta 25ean, hasiera mailakoentzat (A1 eta A2). Hor bai, edozein euskaldunentzat zuzendutako barnetegiak dira, ez soilik AEK-ko ikasleentzat: euskalduntzea bukatu dutenentzat, euskalduntzen ari direnentzat, ikasten hasi eta utzi dutenentzat... euskara praktikatu nahi duen ororentzat aukera aparta!

Bestalde, Lizarran hiri-barnetegia eskainiko dute A2 mailatik aurrerakoentzat,maiatzaren 17 eta 18an. Honetan, asteburuko barnetegi batean egiten diren jarduera guztiak burutuko dira, baina, gaua bertan pasa gabe (norbaitek lo egiteko tokia behar badu, bila diezaiokete).

Barnetegi bakoitzean 60 bat ordu izango dituzte ikasleek euskara ikasteko, hitz egiteko, ondo pasatzeko... erabileran eta ikas prozesuan sakontzeko.

Prezioei dagokienez, hiri barnetegiarena 80 eurokoa da eta Arantzako barnetegiena 110 euro (barnetegiko). Otorduak barne.

Izena eman nahi duenak AEKren edozein euskaltegitan egin dezake. Informazio gehiago -izen emateak ere bai-: E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbide elektronikoan edota 948 210 443 telefono zenbakian.

Udaberrian ere ikasi euskara praktikoa! Hemen, hor, han... euskaraz bizi!

Attachments:
Download this file (biptikoaweb.pdf)biptikoaweb.pdf[ ]98 kB
    • Apirileko AIZU! kalean

      Apirileko AIZU! kaleanHilabete honetan, AIZU! aldizkariko portadan Paxkal Indo ikusi ahal izango dugu. Indo Baigorriko ZTK diskoetxearen zuzendaria, Kalakan taldearen sortzailea eta beste arlo asko (grafismoa,...

    < 1 2 3 4 5 6 7 8 9 10 11 12 >
  • < 1 2 3 4 5 >